Inicio > Novas > Últimas novas

[20/01/2012] • A directora do ISSGA, Adela Quinzá-Torroja, presentou hoxe o Plan de Actividades para 2012, á vez que informou dos accidentes laborais que tiveron lugar no 2011. • O Plan conta con seis eixos e inclúe iniciativas novidosas como a posta en marcha do programa forestal, a análise da sinistralidade laboral en profesións feminizadas, ou a posta en marcha do mapa das enfermidades profesionais, entre outras. • A sinistralidade laboral en Galicia reduciuse nun 15,61% en 2011, ao rexistrar un total de 31.149 accidentes con baixa en xornada laboral, 5.763 menos que no 2010.

[20/01/2012] No desenvolvemento de accións de información, divulgación e formación en materia preventiva e dando cumprimento ao Plan Estratéxico de Prevención de Riscos Laborais 2011 - 2014, o Instituto Galego de Seguridade e Saúde Laboral (ISSGA), a través dos seus catro centros provinciais, leva adiante actividades formativas dirixidas a todos os protagonistas da prevención: traballadores/as, empresarios/as e profesionais.

[20/01/2012] No Plan de actividades 2011 do ISSGA, e dentro dos programas a desenvolver no Observatorio Galego de Condicións de Traballo, figura, co epígrafe OGCT5 a avaliación de resultado do Plan de Loita contra a sinistralidade. Este Plan, que ten por obxecto a redución da sinistralidade en empresas concretas, e por extensión en determinados sectores produtivos, consiste fundamentalmente en actuacións de asesoramento técnico e comprobación da aplicación de medidas a empresas nas que concorran ao tempo dúas condicións: que tiveran un nº mínimo de accidentes ao ano (3 ou mais), e que o seu índice de incidencia supere en certa porcentaxe o índice de incidencia do seu sector (+50%). Dende hai anos véñense desenvolvendo plans similares tamén noutras comunidades autónomas, con certas diferenzas de matiz, especialmente na selección e clasificación das empresas.

[03/01/2012] Este descenso produciuse en todas as provincias, encabezando a lista Pontevedra cunha redución dos accidentes laborais do 17,62%. O descenso do número de accidentes no período entre xaneiro e novembro é dun 15,63% en relación co ano anterior.

[29/12/2011] Este estudo ten como obxectivo dar unha visión máis polo miúdo dos accidentes laborais acontecidos en, ou por causa dun medio de transporte terrestre, de xeito que se poidan extraer conclusións efectivas para a súa prevención e redución.